അനുസ്മരണവും പ്രത്യാശ ഗാനവും : പ്രിയ ഷീൻ / തോമസ് പ്രിൻസ്

           ഇവിടെ ഇതാ അനുഗ്രഹീത ക്രിസ്തു ശിഷ്യൻ, നല്ലൊരു ഭർത്താവ്, കുഞ്ഞുങ്ങൾക്ക് വാത്സല്യമുള്ള പിതാവ്, സഹചാരികൾക്ക് നല്ലൊരു സ്നേഹിതൻ, സഭയിൽ നല്ല സാക്ഷ്യമുള്ള ഒരു വ്യക്തി, ശുശ്രൂഷയിൽ ഞാൻ എല്ലാം ചെയ്യാമെന്ന് പറഞ്ഞ് മുന്നിലേക്ക് കയറി വരാതെ മറ്റുള്ളവർക്ക് അവസരം കൊടുത്തിട്ട് പുറകിലേക്ക് മാറിനിൽക്കുന്ന നല്ലൊരു ആത്മീകൻ, മാത്രമല്ല കർത്താവിനു വേണ്ടി എന്തൊക്കെയോ ചെയ്യണമെന്ന് വിചാരിച്ചു അതൊക്കെ ചെയ്യുവാനായി വെമ്പൽ കാണിച്ച, ആർത്തി കാണിച്ച ഒരു നല്ല വിശ്വാസി, താനുമായി ബന്ധപ്പെട്ട ആളെ ഏതെങ്കിലും ഒക്കെ വിധത്തിൽ സ്വാധീനിക്കുവാൻ സാധ്യതയുള്ള ഒരു നല്ല മനുഷ്യൻ …. അങ്ങനെ നീളുന്നു സഹോദരൻ ഷീനിനെക്കുറിച്ച് എഴുതുവാൻ പറ്റുന്ന അഭിപ്രായങ്ങൾ…. എന്നെ സംബന്ധിച്ചിടത്തോളം എനിക്ക് മുമ്പേ കർത്താവിനെ കാണുവാനായി കർത്താവിന്റെ സന്നിധിയിലേക്ക് ആർത്തിയോടെ ഓടിയെടുത്ത ഒരു നല്ല ഭക്തൻ…. അദ്ദേഹം ഇപ്പോൾ ആയിരിക്കുന്ന അവസ്ഥയെക്കുറിച്ച് ഞാൻ ഓർത്തപ്പോൾ എഴുതിയ ഒരു ഗാനത്തിന്റെ ഈരടികൾ ഇതിനോടൊപ്പം ചേർക്കുന്നു……

ഹാ എന്ത് മോദം ആ ദിനത്തിൽ

കോട കോടി ശുദ്ധരുമായ് ആയി

കർത്തൻ മാർവ്വിൽ ചേർന്നിരുന്ന്

ഹല്ലേലൂയ പാടിടും നാൾ

എൻ പ്രിയ സ്നേഹിതർ എൻ മുൻപേ പോയവർ

വേദനയില്ല ആ നഗരിയിൽ

രോഗമില്ലിവിടെ ദുഃഖമില്ലിവിടെ

ഹാ എന്ത് മോദം എന്ന് ആര്‍ത്തുപാടുന്നു

എൻ പ്രിയ സ്നേഹിതർ ഞാനുമായി

പ്രതിഫലം വാങ്ങിടും ആ ദിനത്തിൽ

നാം ചെയ്ത പ്രവർത്തികൾക്കൊത്തവണ്ണം

പാടുള്ള കൈകൾ കിരീടം നൽകും